रविन विश्वकर्मा,प्यूठान ।
मल्लरानीमा संञ्चालन भएको एकल नृत्य प्रतियोगिताको विजेता मल्लरानी गाउँपालिका २ की एलिसा थापा हुनुभएको छ । मल्लरानी पर्यटन प्रवद्र्धनका लागि मल्लरानी दोस्रोे खाना महोत्सबमा आयोजित एक नृत्य प्रतियोगिताको प्रथम स्थान थापाले हात पार्नुभएको हो । यस्तै प्रतियोगिताको उपविजेता अर्थात द्धितिय मल्लरानी गाउँपालिका ४ की निरुता श्रेष्ठ हुनुभएको छ । त्यस्तै तृतीय र सान्तवना ऐरावती गाउँपालिका ४ कि सरस्वती भण्डारी र मल्लरानी ४ का जसविन श्रेष्ठ हुनुभएको छ । प्रथम,द्धितिय,तृतीय र सान्तवना स्थान प्राप्त गर्ने सम्पूर्ण विजेताहरुलाई गाउँपालिकाका अध्यक्ष कृष्ण बहादुर खड्का,उपाध्यक्ष रमेश कुमार श्रेष्ठले क्रमश नगद रु, ५ हजार,३ हजार, २ हजार र १ हजार रुपैंया पुरस्कार प्रदान गर्नुभएको छ । एक नृत्य प्रतियोगिताको पुरस्कारको सौजन्य स्वर्गद्धारी महाप्रभु बचत तथा ऋण सहकारी संस्था लिमिटेड काठमाण्डौले गरेको थियो ।